Molde sitt Europa-eventyr er over: – Forbanna piss

AvSofie Flølo Dyrstad

Oppdatert 14/03/2024 klokken 23:11 GMT+1

Det sa stopp for Molde i åttedelsfinalen i Conference League.

Molde mot Club Brugge.

Foto: Getty Images

Hald deg oppdatert på sport med Eurosport-appen. Last den ned i App Store og Google Play

Club Brugge - Molde 3-0 (4-2 samanlagt)

Molde hadde allereie ei 2-1-leiing då dei torsdag kveld jakta på ein kvartfinale i Belgia.

UEFA Europa Conference League

Molde håver inn etter Europa-avansement – tent meir enn Liverpool

23/02/2024 klokken 11:24

Den leiinga klarte ikkje Molde å forsvare, og dermed er det norske fotballaget ute av Conference League.

Tøft frå start

Heimelaget pressa på heilt frå start og etter 30 minutt fekk dei ein kjempesjanse. Ferran Jutgla heada ballen rett i stolpen, men Molde slapp med skrekken.

15 minutt seinare kom ein ny kjempesjanse frå Club Brugge, men Molde-keeper Oliver Petersen fekk redda. Dommaren la til to minutt på klokka, og eitt minutt på overtid sat det for heimelaget og Andreas Olsen.

Laga gjekk til pause med 2-2 samanlagt.

– Det er noko forbanna piss at vi skal sleppe inn mål på slutten, sa Molde-kaptein Martin Linnes til Viaplay i pausen.

Les også: OL-billetten innan rekkevidde for Noreg etter nervepirrande avslutning

Vondt blei verre

Då laga returnerte frå kvilen tok det ikkje lengre enn to minutt før Andreas Olsen sat sitt andre mål for kvelden.

Vondt blei verre for Molde etter 70 minutt. Michal Skoras, som kom inn for Olsen, trengte ikkje meir enn fire minutt før han sendte Club Brugge opp i ei 3-0-leiing.

Molde klarte ikkje svare, og dermed sa Europa-eventyret stopp.

Både Veton Berisha og Mathias Fjørtoft Løvik måtte ut med skade i løpet av kampen.

Sett denne?