Slo Molde ut av Europa: – Finst ikkje dårleg samvittigheit

AvSofie Flølo Dyrstad

Oppdatert 11/04/2024 klokken 16:50 GMT+2

Hugo Vetlesen og Club Brugge sat ein stoppar på Molde sitt europaeventyr. Det nyt 24-åringen godt av.

Trenaren fekk sparken før kvartfinale i Europa: – Ting må setje seg

Hald deg oppdatert på sport med Eurosport-appen. Last den ned i App Store og Google Play

– Det er alltid deilig å slå Molde. Eg har hatt ein vane for å gjere det, seier Hugo Vetlesen spøkefullt til Discovery.

24-åringen speler til vanleg på Club Brugge som møtte Molde i åttedelsfinalen i Conference League.

UEFA Europa Conference League

Glimt-stjernen med storeslem etter Ajax-kampen

17/02/2024 klokken 11:16

Etter to oppgjer gjekk den belgiske klubben sigrande ut 4-2 samanlagt.

Fått med deg denne? Saka held fram under videoen.

Konkurrerer om å være best i Spania: – Jeg halter meg etter

Negativt for norsk fotball

Før årets sesong låg Noreg på 16. plass på UEFA sin nasjonale klubbkoeffisient. Det gav eitt lag i Champions League-kvalifiseringa og tre i kvalifiseringa til Conference League.

Etter Molde sitt Europa-eventyr klatra Noreg opp til ein 14. plass. Om ein held seg i topp 15 ved sesongslutt, får ein fem klubbar i Europa: To i Champions League, éin i Europa League og tre i Conference League.

Hadde Molde tatt seg endå lengre kunne laget ha sikra fleire poeng for nasjonen. Det tenker ikkje Vetlesen mykje på.

– Det var godt å få dei ut, sjølv om det var best for norsk fotball at dei gjekk vidare. Slik vart det ikkje denne gongen, og det var godt.

Les også: Spissen vant veddemål mot ekspert – må finne ny straff etter trenersparking

– Får du dårleg samvittigheit for å slå dei ut når det hadde vore bra for norsk fotball å ha dei med vidare?

– Absolutt ikkje. Eg har aldri dårleg samvittigheit for Molde, svarar Vetlesen konstant.

Likevel meiner han at eliteserielaget har levert godt i Europa.

– Dei skal vere stolte av den reisa dei har hatt. Eg fekk med meg at dei har klatra litt på rankinga. Det er utruleg viktig for norsk fotball for å få fleire lag ut i Europa, slik at dei får god matching på den internasjonale scena.

Ny trenar

Club Brugge kvalifiserte seg til kvartfinalen etter møtet med Molde. Der ventar den greske klubben PAOK torsdag kveld.

– Det blir nok ein spennande kamp. Eg trur det er nesten ti år sidan vi har vore i ein kvartfinale sist, seier Vetlesen og hintar til kvartfinalen i Europa League i 2015.

Men når Vetlesen returnerte til Club Brugge etter landslagsoppdrag var ikkje ting slik det var då han drog derifrå. Trenar Ronny Deila fekk nemleg sparken i klubben.

– Det er klart at det er spesielt når ein har jobba med han i fleire månadar, vore på reise, trening og brukt tallause timar på trening saman.

No må laget jobbe med ein ny trenar inn mot kvartfinalen. Klubben har ikkje funnet Deila sin erstattar enno, men Club NXT-trenar Nicky Hayen har tatt over laget enn så lenge.

– Ting må setje seg, og vi får ei miljøforandring. Kanskje det er godt for klubben også.

Sett denne?