Knutsen straffast ikkje etter dommarkritikken

Søndag gjekk Kjetil Knutsen hardt ut mot dommar Sigurd Kringstad etter kampen mot HamKam.

– Han er arrogant, og det er ikkje fair-play rett og slett. Du kan rive og gå i ryggen på folk, og det blir ikkje dømt frispark. Det er lottotrekning på kva som blir situasjon der ute. Han mister totalt standaren for korleis det er å dømme ein Eliteserie-kamp. Alle midlar er lov, og det tillèt han, sa Knutsen til Discovery.

Utsegna til dei ulike media vart sendt over til Fotballforbundets påtalenemd. Påtalenemda har bestemt at det ikkje blir oppretta sak. Det bekreftar kommunikajsonsdirektør i NFF, Gro Tvedt Anderssen, til Discovery.

– Saken er vurdert av påtalenmda. Utsegna er til dels uheldige, og ikkje ein åtferd som er ønskeleg for å fremme ein konstruktiv dialog mellom trenarar og dommarar, seier Anderssen.

Anderssen fortel vidare at utsegn ikkje gir grunnlag for sak.

– Ettersom utsegna i all hovudsak dreier seg om dommaren sine prestasjonar og ikkje dommaren sin integritet, rammast tilfellet ikkje av vedtaket i regelverket.