Hodebry for Molde veker før skjebnekamp – profil ut med skade

Molde gjekk sigrande ut av treningskampen mot danske Midtjylland fredag.

Kampen hadde ikkje passert to minuttar før Molde gjekk opp i leiinga. Fredrik Gulbrandsen sat ballen i lengste hjørnet frå rundt 14 meter.

Molde styrte det meste den første halvtimen, men etter kvart kom Midtjylland meir og meir inn i kampen. Likevel kunne dei regjerande cupmeistrane gå til pause med ei 1-0-leiing.

Midtjylland tok opp tempoet i andre omgang, og etter 70 spelte minutt klarte det danske laget å utlikne. Danske Mads Bech sat ballen i nettmaskene etter ein dødball.

Deretter gjorde Molde fleire bytar, og det gav suksess. Veton Berisha kom inn, og etter ti minutt sendte han Molde tilbake i føringa.

Det danske laget jakta utlikning, og slo fleire innlegg, men årets andre siger vart eit faktum for Molde.

Laget frå Rosenes by skal spele to kampar under opphaldet i Portugal. Den neste er mot FC København 8. februar.

Ei veke etter det, 15. februar, ventar den første kampen i playoffen til Conference League. Der møter dei Legia Warszawa.