Ferdig i eliteserieklubben – drar over dammen

Bjørn Inge Utvik er ferdig i Sarpsborg 08. Han held fram karrieren i Vancouver Whitecaps.

– Bjørn tar med seg mykje erfaring og leiarskap til gruppa. I tillegg til at han er aggressiv i lufta, vinner han mykje duellar, og er komfortabel med ball, skriv den kanadiske klubben i ei pressemelding.

Eliteserieklubben skriv på sine heimesider at dei har heldt døra for ei ny Utvik-kontrakt open, men respekterer valet til 27-åringen.

– Dette var opninga Bjørn Inge hadde for å få seg ein ekstra god kontrakt og få eit eventyr, seier Sarpsborg-topp Bjørge Øiestad.

– Det har vore klubbar frå Sverige, Danmark og nokre andre land rundt omkring.

Utvik kom til klubben i 2018 frå Sogndal. Han har spelt 136 kampar for Sarpsborg 08. Kontrakten hans gjekk ut ved årsskiftet.