Mysteriet avslørt – diskvalifisert etter bisarr hending
Oppdatert 10/02/2024 klokken 15:02 GMT+1
Franske Gael Monfils måtte forlate tennisturneringa Ultimate Tennis Showdown (UTS) i Oslo.
- Følg tennisstjernene i alle Grand Slam-turneringane på discovery+ og Eurosport sine kanalar gjennom året!
Fredag kveld vart franske Gael Monfils diskvalifisert frå tennisturneringa UTS som blir arrangert i Oslo.
Arrangørane skriv i ei pressemelding at årsaka er oppførselen hans ovanfor ein turneringsleiar. I eit Instagram-innlegg utdjupar arrangøren hendinga.
– I går resulterte ein leik i garderoben mellom Gael Monfils og ein turneringsleiar i ein mindre skade på turneringsleiaren. UTS er 100 prosent nøgd med at det ikkje var vondsinna meint frå Gael, men fordi det vart ein skade påført, følte vi det ikkje var noko anna alternativ enn å diskvalifisere Gael, skriv dei.
Monfils godtok å bli diskvalifisert.
Franskmannen spelte ein kamp mot Alex de Minaur, der han tapte 3-0, før han vart byta ut med franske Lucas Pouille i førekant av kampen mot landsmann Benoit Paire.
Sett denne? Saka held fram under videoen.
Sjokkerte fans
På X/Twitter er mange sjokkerte over hendinga. Tennisspelaren er nemleg kjend for å vise god sportsånd, og få hadde dermed trudd at han skulle bli diskvalifisert frå ei turnering.
– Fortell meg at dette var iscenesett, skriv den anerkjente tennisjournalisten Jose Morgado på X.
Han får støtte frå fleire brukarar.
– Då eg såg at Monfils hadde blitt diskvalifisert frå UTS trudde eg oppriktig at det var eit stunt.
– Heile denne Gael Monfils-greia verker veldig rar, skriv nokon andre.
UTS-turneringa skil seg frå ATP-touren på fleire måtar. Blant anna står det på heimesida til turneringa at det er ein meir leiken atmosfære og meir avslappa reglar rundt oppførsel for både spelarar og publikum.
– Korleis blir du diskvalifisert frå eit sirkus som UTS? Kva gjorde Monfils?, skriv ein brukar.
Møter heimefavoritten
Pouille, som erstattar Monfils, skal spele mot Andrej Rublev laurdag kveld.
Casper Ruud deltar også i UTS-turneringa. Han vann den første kampen sin mot Holger Rune fredag. Laurdag skal nordmannen spele mot Alexander Bublik og Dominic Thiem.
Thiem ser fram mot å få spele mot Ruud på heimebane.
– Eg tipper at det kjem til å vere ei fantastisk atmosfære. Eg gler meg, seier austerrikaren til Discovery.
Fått med deg denne?
Gjør som 3 millioner brukere på appen
Last ned
Scan her
Del denne artikkelen
Reklame
Reklame