Ruud med ny siger på heimebane etter intens duell – klar for semifinale

Casper Ruud vann mot kasakhstanaren Alexander Bublik laurdag ettermiddag. Dermed har han også sikra seg ein plass i semifinalen.

– Det er veldig gøy det. Det var eit lite håp om å vere her til søndag. Eg gler meg, sa Ruud til TV 2 etter kampslutt.

Nordmannen var overlegen på heimebane i starten, og vann dei to første setta 18-12 og 19-8.

I tredje sett kom Bublik inn i kampen igjen, og dermed stod det 2-1 på resultattavla. Bublik følgde opp og tok neste sett også, og dermed måtte dei ut i «sudden death».

Seinare laurdag skal Ruud i aksjon mot Dominic Thiem. Austerrikaren ser fram mot å få spele mot heimefavoritten.

– Eg tipper at det kjem til å vere ei fantastisk atmosfære. Eg gler meg, seier Thiem til Discovery.

Reglane i UTS skil seg frå ATP-tpuren. Det er blant anna den første til å vinne tre «quarters», eller sett, som vinn kampen. Eit sett varar i åtte minutt, og vinnaren er den som tar flest mogleg poeng.