Norsk tennistalent får sjansen i UTS mot Ruud – to profilar trekk seg

Holger Rune og Dominic Thiem trekk seg frå UTS etter sjukdom.

Det bekreftar arrangøren på si heimeside.

– Eg er veldig lei meg for at eg ikkje kan fortsetje kampane mine i Oslo. Eg har ikkje følt meg så bra dei siste dagane. Eg likte meg veldig godt her, og gav mitt beste i går, seier Rune til arrangøren.

Thiem har på si side slitt med matforgifting.

– Eg er ikkje i stand til å gå på bana i dag. Eg elska atmosfæren her i Oslo, og beklagar verkeleg for fansen, seier austerrikaren til arrangøren.

Inn kjem heller norske Nicolai Budkov Kjær.

«Vi har framleis gode spelarar som konkurrerer, og vi får introdusere eit spennande ungt talent i Nicolai for publikum i Oslo», skriv arrangøren.

Han får spele mot Casper Ruud laurdag kveld.