Ruud vidare til semifinale

AvSofie Flølo Dyrstad

Oppdatert 19/04/2024 klokken 17:21 GMT+2

Casper Ruud vann over Matteo Arnaldi i kvartfinalen i Barcelona Open.

Casper Ruud.

Foto: Getty Images

Følg Casper Ruud og resten av tenniseliten i alle Grand Slam-turneringane ut året på discovery+

Casper Ruud er vidare til semifinalen i Barcelona Open etter å ha vunne i strake sett mot italienske Matteo Arnaldi.

– Dette var ikkje lett. Det var mange brot i starten, og slett ingen enkel kamp. Eg spelte for ein plass i semifinalen, og det har eg ikkje klart i Barcelona tidlegare, sa Ruud i sigersintervjuet.

Mutua Madrid Open

Skadesmell for stjernen – Ruuds overmann rett til semifinale

en dag siden

Nordmannen starta kampen på best mogleg vis og braut Arnaldi ved første anledning. Ruud vart derimot brote tilbake med ein gong, og reduserte til 1-2.

Snarøya-guten braut på nytt, men igjen klarte italienaren å redusere. Då det stod 5-4 til nordmannen braut han nok ein gong og sikra det første settet.

Andre sett starta derimot mykje jamnare. Sjølv om begge to hadde ein break-moglegheit tidleg i settet, var det ikkje før det stod 3-2 til Ruud at han klarte å bryte. I siste game redda Ruud fire breakballar mot seg, og vann med det både settet og kampen.

I semifinalen ventar argentinske Tomas Etcheverry.

– Det har vore eit fantastisk år så langt, og eg håpar på endå eit par sigrar til her i Barcelona før det er over, sa Ruud etter kampen.

Sett denne?