Ruud augnar nytt mål: – Ganske ope no

AvSofie Flølo Dyrstad

Publisert 27/04/2024 klokken 10:08 GMT+2

Casper Ruud har brote ATP 250-barrieren. No har han mål om å vinne endå større turneringar.

Slik feira han tittelen: – Blei ganske seint

Følg Roland-Garros med Casper Ruud 20. mai til 9. juni på Eurosport.no og Max

Casper Ruud sikra den største tittelen så langt i karrieren då han slo Stefanos Tsitsipas i finalen av Barcelona Open.

Det gav meirsmak for nordmannen.

Mutua Madrid Open

Ny stjerne måtte trekke seg etter skadeproblemer – ble møtt av piping

02/05/2024 klokken 21:12

– Etter å ha fått følelsen av å vinne i Barcelona, er det viktig for meg å prøve å tenke meir på den følelsen. Det neste målet er å vinne ei 1000-turnering, seier Ruud til Discovery.

Sett denne? Saka held fram under videoen.

Vann gjæv pris: – Surrealistisk

Fullt mogleg

Det er ifølge Discoverys tenniskommentatorar Svein Espen Lindås Olsen og Ola Bentzen fullt mogleg. Sistnemnte meiner det berre er tilfeldigheit som har stoppa Ruud frå å ta ein så stor tittel til no.

Veka før han vann ATP 500-turneringa i Barcelona tapte han nemleg mot Tsitsipas i finalen i Masters 1000-turneringa i Monte Carlo.

– Kalenderen kunne like gjerne vore slik at han spelte ei 500-turnering veka før og tapte for Tsitsipas der, så slo han Tsitsipas i 1000-finalen. Han kunne stått med ein 1000-siger eller to, i staden for 500- og 250-titlar. Det er meir eller mindre tilfeldig, seier Bentzen og held fram:

– Det kan godt bli ein ordentleg tung tittel utover sesongen. Eg trur i alle fall han kjem til å stå i fleire finalar, og gå langt i store turneringar.

Lindås Olsen trur ATP 500-sigeren kan gje ein ketchupeffekt.

– Det er viktig å bryte den 250-barrieren. Det kan fort gjere at han vinn ei 1000-turnering og Grand Slam-turneringa Roland Garros.

Les også: Ruud blant toppen på prestisjefylt liste: – Kanonopning

Får sjansen

Ruud får sjansen til å ta ein tittel i ei Masters 1000-turnering allereie no. Han er denne veka i aksjon i Masters 1000-turneringa i Madrid.

Sjølv meiner hovudpersonen at det ikkje er éin spesifikk favoritt til å vinne turneringa.

– Vi har sett nokre nye vinnarar dei siste par åra. Jannik Sinner vann sin første Masters 1000 i fjor i Toronto, Hubi (Hubert Hurkacz, journ. anm.) vann i Shanghai, Daniil Medvedev vann si første på grus i fjor... Det er ganske ope desse dagar.

25-åringen har «bye» i første runde i Madrid og møter Miomir Kecmanovic i andre runde laurdag. Tar nordmannen seg heilt til ein kvartfinalen kan han få eit møte med verdstoar Jannik Sinner.

Fått med deg denne?