Gjer VAR-grep i storturnering

AvSofie Flølo Dyrstad

Oppdatert 28/07/2023 klokken 10:27 GMT+2

US Open innfører videodømming før turneringa i år.

Casper Ruud og Carlos Alacaraz under finalen i US Open i 2022.

Foto: Getty Images

Følg Casper Ruud mot franske Arthur Fils i Hamburg fredag fra cirka kl. 18:00 på Eurosport Norge, discovery+ og Eurosport.no.

Tennisturneringa US Open har annonsert at dei vil bruke videodømming i turneringa i år.

Det melder tennismagasinet Tennishead, og nettstaden TennisUpToDate.

US Open

Spøkte om Djokovic si framtid: – Kva år er det?

11/09/2023 klokken 21:52

Skal hjelpe dommarane

Innføringa av videodømming blir gjort som eit forsøk på å hjelpe dommarane når det er tvistar under kampen.

Dette inkluderer blant anna å sjekke om ballen sprett meir enn éin gong (to gongar i reullestoltennis) før kontakt, om ballen har rørt spelaren andre stadar enn racketen, eller om ballen har gått gjennom nettet i staden for over det.

Teknologien vil også bli brukt i ei kvar avgjerd om eit poeng skal bli spelt om igjen eller ikkje.

Det amerikanske tennisforbundet (USTA) har bekrefta at teknologien vil bli brukt i alle Main Draw-kampane, som blir spelt på Arthur Ashe Stadium, Louis Armstrong Stadium, Grandstand, bane 5 og bane 17.

Videoteknologi har tidlegare blitt brukt på andre tennisarrangement, inkludert Next Gen Finals og i ATP Cupen, men har enno ikkje blitt ei bærebjelke i sporten.

Les også: Reagerer på oppførselen til storlaget: – De trenger ikke å oppføre seg sånn.

Introduserte linjedømming

Dette er ikkje første gong US Open har vore leiande når det gjeld teknologibruk i tennis. Turneringa var den første Grand Slam-en som introduserte Hawkeye-linjedømming i 2020.

ATP har tidlegare i år kunngjort at alle deira arrangement kjem til å bruke linjedømmingsteknologien frå 2025 og utover.

I fotballverda har det storma kraftig rundt videodømming denne sesongen. Dette har ført til at Noregs Fotballforbund (NFF) har tatt konkrete grep for å redusere tidsbruken.

Sett denne?