Jumbo-Visma ryttar med kryptisk melding: – Har mine meiningar

AvSofie Flølo Dyrstad

Oppdatert 15/09/2023 klokken 13:03 GMT+2

Under etappe 18 av La Vuelta verka det som at det var einigheit i Jumbo-Visma-laget om at dei skulle sykle for Sepp Kuss, men då Primoz Roglic møtte pressa, var han meir kryptisk i responsen sin.

• Følg Vuelta a España på discovery+, Eurosport Norge og Eurosport.no.

På den 17. etappen av La Vuelta, køyrde Primoz Roglic og Jonas Vingegaard frå lagkameraten, og samanlagtleiaren, Sepp Kuss. Det fekk ekspertane til å reagere, og kalla dei blant anna for respektlause og egoistar.

Dagen etterpå var det ei heilt anna historie, då både Roglic og Vingegaard såg ut til å køyre for Sepp Kuss og for at han skulle vinne Vuelta a España.

Vuelta a España

Sopte inn etter dominans – tjente fire ganger mer enn neste lag

18/09/2023 klokken 19:35

Likevel stoppa ikkje dramaet der.

Assisterer til siger

Då Roglic møtte pressa etter målgongen, fekk han om korleis det var å assistere Kuss til ein Grand Tour-siger. Slovenaren var noko kryptisk i responsen sin.

– Eg meiner ... Han er den eg ønsker skal vinne no, sa han, før han viste teikn på at han kanskje ikkje var så fornøgd med avgjerda til laget.

– Eg har mine eigne tankar om det, men eg vil prøve å gjere det, så blir det som det blir, sa Roglic til Discovery og anna presse.

• Les også: Bisarre scener: Her blir Jumbo-Visma-hjelperen kastet i bakken av politi.

Trippel Jumbo-Visma

Jumbo-Visma har dominert Vueltaen i år. To gonger har dei tapetsert heile pallen, og dei har kapra dei tre øvste plassane i samandraget.

Kuss leiar rittet med eitt minutt og åtte sekund til Roglic, medan Vingegaard ligg 17 sekund bak samanlagtleiaren. Dansken gav også uttrykk for at han ville støtte lagkameraten til siger.

– Det er fint å gje litt tilbake til han, og gjere noko for han. Men det er ei veldig tøff etappe på laurdag, så vi må vere forsiktige.

Rittet blir avslutta søndag i Madrid. Før det skal feltet gjennom to nokså flate etappar, og ein ganske kupert.

Sett denne?

Her blir samanlagtleiaren køyrt frå av sine eigne lagkameratar

Vuelta a España

Spinnvill Vuelta-avslutning – hjelperyttar med historisk samanlagtsiger

17/09/2023 klokken 21:31

Vuelta a España

Eitt lag dominerer sykkelsporten no: – Bra for Noreg

17/09/2023 klokken 14:22

Vuelta a España

«Luksushjelperen» kun formaliteter fra Vuelta-sensasjon: – Ikke synket helt inn enda

16/09/2023 klokken 17:47