Dramatisk natt for sykkellag: – Vi sprang etter dei

Bahrain-Victorious-ryttar Matej Mohoric sikra laurdag ein sjetteplass i årets første monument: Milano-Sanremo. Det skjedde etter ein svært dramatisk natt for laget.

Ifølge den italienske sykkelnettstaden Tuttobici forsøkte ti ungdommar å stele laget sine syklar på natta.

– Vi var i hotellobbyen då vi høyrde nokon rope «syklane!». Det var sjåføren vår som hadde sett nokon forsøke å stele syklane. Vi gjekk utanfor, og der var det omtrent ti unge personar. Eg blei nesten påkøyrd av ein bil, men eg klarte å kome meg unna, forklarte den tidlegare ryttaren Sonny Colbrelli, som no jobbar for World Tour-laget, til Tuttobici.

– Der stakk dei av i ein bil. Resultatet blei 1-0 til oss over tjuvane, sa Colbrelli til den italienske nettstaden.

Til trass for dramatikken kunne heile laget stille til start laurdag.

Norske Torstein Træen syklar for Bahrain-Victorious. Han var ikkje ein del av laget som stilte til start i Milano.

Alpecin - Deceuninck-ryttar Jasper Philipsen kunne juble til slutt etter ein intens sluttspurt.

Sigeren var belgiaren sin aller første monument-triumf i karrieren.