Går inn i OL utan éin spesiell: – Kjem aldri til å bli vand til det

– Det er veldig rart og framleis veldig fjernt at ho ikkje følger med på alle kampar og sit heime heier.

Det seier Christian Sørum om mora sin, Marianne Sandlie Sørum.

– Vi spelte ei turnering i Doha. Då hadde det ikkje gått heilt opp for meg at ho ikkje var heime med pappa og heia med resten av familie. Eg kjem nok aldri til å bli heilt vand til det, seier utøvaren til Discovery.

Både Mol og Sørum har vakse opp familiar som brenn for volleyball og for at sønene skal lykkast. I eit intervju med Aftenposten i 2018, gav mor til Sørum tydeleg uttrykk for det.

– Om det går så langt at vi må selje huset for å hjelpe barna så hadde vi gjort det. Dette vil vi også. Vi vil støtte gutane så langt det lar seg gjere.

Sørum er klar på at familien og støtteapparatet rundt har vore viktige for å kome dit han er i dag.

– Eg har mykje bra folk rundt meg, og eg kjem alltid til å ha ho med meg på bana uansett når og kvar eg speler. Ho er med meg på ein eller annan måte.

Mora følgde alltid nøye med når Sørum og Mol spelte kampar, og dette med svært høgt engasjement. Sørum fekk ofte tilsendt videoar frå veslebroren av korleis mora oppførte seg medan duoen spelte kamp.

– Eg har fått mange gode latterer av dei videoane. Ho hadde ein glede som visst var vanskeleg å kontrollere. Det var ingen samhandling mellom kampen og bevegelsane ho gjorde. Engasjementet har betydd veldig mykje, fortel Sørum.

28. juli speler Mol og Sørum sin første gruppespelkamp i sitt andre OL. Denne gongen blir det utan mora på sidelinja eller heime i stua.

– Ho har betydd utruleg mykje, og det å kome heim etter kampar og turneringar, uansett korleis det har gått, og gitt ho ein klem, det har betydd ekstremt mykje. Å ikkje få lov til å gjere det igjen er utruleg trist å tenke på, men eg veit at ho er med på reisa vår saman med laget.