OL-element vekkar uro: – Latterleg

Om kort tid skal hundrevis av utøvarar symje i Seinen under OL i Paris, men bakteriemengda er framleis høg i elva.

Tony Estanguet, leiar av Paris 2024 sin organisasjonskomité, har, ifølge NBC, sagt at det kan vere at triatlonøvinga blir endra til ei duatlonøving, og at symjinga blir droppa.

Miller fortel at ho blir svært misnøgd om symjinga blir tatt vekk.

– Då kjem eg til å gå opp til dei som er ansvarlege og fortelje at dette her blir for dumt.

Det vil vere spesielt utfordrande å symje i Seinen om det blir mykje regn dagane i førekant.

Triatlonøvingane blir arrangert 30. juli for menn, 31. juli for kvinner og 5. august for blanda stafett. Estanguet har sagt til The Guardian at det er mogleg å endre datoane, ettersom det er så tidleg i leikane.

– Vi kan utsetje om det regner mykje, men vi er trygge på at det vil bli mogleg å bruke Seinen.

Vetle Thorn er også ein del av stafettlaget. Han er rimeleg sikker på at dei kjem til å symje i den berømte elva.

– Myndigheitene har vore veldig klare på at det kjem til å vere på plass, så eg må berre tru at det kjem til å ordne seg. Det er det eg førebur meg på, seier Thorn.

Samtidig er alle tre einige på ein ting: Det er ikkje vits å stresse.

– Eg kan ikkje gjere anna enn å førebu meg til triathlon. Det er der fokuset mitt er, seier Miller.

– Eg bruker ikkje særleg mykje energi på å tenke «dersom det ikkje skjer». Eg kjem til å vere førebudd uansett kva som skjer, seier Thorn.

Triatlonløypa vil bli gjennomført i sentrum av Paris, med løping over Pont Alexandre III og sykling langs Champs-Élysées.

– Vi visste at det kom til å bli ei ekstremt kul arena då det vart snakk om Paris. Det er definitivt den kulaste staden eg har køyrt løp nokon sinne, seier Thorn.

– Det er breie vegar, og ikkje så mange smale parti der ein kan stekke feltet og køyre frå. Den er ikkje så sjukt taktisk krevjande. Symjinga er interessant då, ettersom det er i elv med medstraum og motstraum. Vi får leike litt med det.