Budkov Kjær historisk – vann Wimbledon-finalen

17 år gamle Nicolai Budkov Kjær vann juniorfinalen i Wimbledon.

Discoverys tenniskommentator Ola Bentzen var imponert over det 17-åringen viste:

– For ein prestasjon! Han blir berre betre og betre. For ein kjempematch og kjempeturnering. Ein ting er spelet som talar for seg sjølv, men han har ein kjempeserve og ein forehand som fungerer veldig, veldig bra her ute.

Budkov Kjær er den første nordmannen til å vinne turneringa.

– Han skriv idrettshistorie som junior her i Wimbledon. Det er herleg å sjå at vi har ein som er så god etter Casper Ruud. Det kan ikkje starte stort betre enn å vinne Grand Slam som junior, seier Bentzen.

– Det er sjølvsagt ein stor prestasjon, men dette er junior, så eg prøver å gjere større ting i framtida. Men det er klart det er ein stor milepæl for meg. Eg er veldig stolt, sa han.

I finalen møtte han nederlandske Mees Röttgering.

Budkov Kjær fekk ein god start på kampen. Han braut Röttgering ved første anledning, og kunne serve seg opp til ei 3-0-leiing. Ingen av spelarane fekk nokre breakmoglegheiter utover settet, og nordmannen serva kontrollert inn settet 6-3.

I andre sett var det Röttgering som braut først, men Budkov Kjær klarte å bryte tilbake umiddelbart, og unnlèt at Röttgering fekk same utgangspunkt som nordmannen hadde i første sett. Spelarane braut kvarandre så ein gong kvar, før Budkov Kjær klarte å bryte til 4-3.

Budkov Kjær hadde breakball på stillinga 5-3, og utnytta moglegheita.

Triumfen er Budkov Kjær sin beste i Grand Slam-samanheng. Han har også vore i semifinalen av Australian Open for juniorar, og vunne Roland-Garros for juniorar i double.

– Ikkje alle som har vunne turneringa har lykkast som seniorar, men dei som gjer det har gode sjansar til å bli god. Det er den beste starten ein kan få på tenniskarrieren, seier Discoverys tenniskommentator Bentzen.

Norsk-amerikanske «Molla» Bjurstedt Mallory har vunne fleire Grand Slam-titlar. Den siste kom i US Open in 1926. Ho har derimot aldri vunne Wimbledon. Undervegs i karrieren skifta ho statsborgarskap til USA.