Ruud tok sin største tittel i karrieren: – Leikestue

Ruud slo Tsitsipas i finalen, og tok sin største tittel så langt i karrieren. Nordmannen har nemleg aldri vunne ei turnering større enn ATP 250-turneringane. Barcelona Open er ei ATP 500-turnering.

Finalistane møtte kvarandre i finalen i Monte Carlo førre veke. Då gjekk Tsitsipas av med sigeren i strake sett. Denne gongen var det Ruud sin tur.

– Eg er sikker på at eg og Casper kjem til å spele mange finalar mot kvarandre. Eg er ikkje overraska over å sjå oss begge her denne veka, sa Tsitsipas etter kampen.

Kampen starta på verst tenkeleg vis for Casper Ruud etter at Stefanos Tsitsipas braut nordmannen ved første anledning, men enda til slutt på eventyrleg vis.

– Det var ikkje den beste starten, men eg klarte å bryte tilbake, sa Ruud.

Ruud tok det første settet 7-5 etter å ha brote Tsitsipas ved to anledningar.

I andre sett klarte Ruud å bryte Tsitsipas på stillinga 2-1. På stillinga 4-1 hadde nordmannen to breakmoglegheitar, men Tsitsipas redda begge to, og fekk ei lita livbøye i kampen. Ruud tok overlegent neste game og auka leiinga til 5-2. Dermed mangla han berre eitt game før tittelen var sikra.

Tsitsipas tok det neste gamet, og dermed trengte berre Ruud å serve heim tittelen i neste game. Det gjorde han utan problem og kunne juble over tittelen.

Finalen i Barcelona er den fjerde finalen til Ruud denne sesongen. Dei tre andre har enda i tap i strake sett.