Ruud slokna etter draumeopning – slått ut

Nordmannen hadde «bye» i første runde, og kampen mot Miomir Kecmanovic var difor Ruud sin første kamp i turneringa.

Dermed sa det stopp i storturneringa.

Det første settet var reine maktdemonstrasjonen frå nordmannen. Sjølv om Kecmanovic hadde to breakmoglegheiter i første sett, vann Ruud settet heile 6-0.

Motstandaren fekk behandling for ryggtrøbbel i første sett. Det verka å hjelpe.

– Eg spurde legen om så mange piller han kunne gje meg for å døyve smerta. Då det slo inn, begynte eg å føle meg betre, sa Kecmanovic i sigersintervjuet.

I andre sett fekk Ruud det derimot mykje tøffare. Han vart brote ved første moglegheit, men braut tilbake med ein gong. På stillinga 2-2 braut Kecmanovic endå ein gong.

Ruud braut til 4-4, men denne gongen var det Kecmanovic som braut tilbake umiddelbart. Dermed trengte han berre å serve heim settet.

– Eg fekk ein liten låsing i ryggen. Det er ikkje noko alvorleg eller noko eg har slitt med. Det er ei lita vriding eller rotasjon som gjer at det låser seg heilt i nedre del av ryggen. Det er kjipt. Dei fleste som har fått ein låsing eller kink i rykken veit at det ikkje er noko gøy. I tennis roterer ein frå side til side heile tida, så det er ugunstig å få det i ein tenniskamp, forklarte Ruud til TV 2.

Etter litt tid kom nordmannen lett joggande inn igjen på bana og var klar til å spele vidare.

Kecmanovic fekk heile fire breakmoglegheitar i Ruud sitt første servegame i det siste og avgjerande settet, men nordmannen kom seg heilskinna gjennom.

Begge heldt sine servegame fram til serbaren braut til 4-3. I neste game hadde Ruud to breakmoglegheitar, men klarte ikkje å utnytte dei. Dermed var han avhengig av å bryte ved neste moglegheit, men heller ikkje det gamet gjekk nordmannen sin veg. Kecmanovic fekk to matchballar og klarte det på den første.

Kecmanovic vann det siste settet 6-4.