Ruud sitt kamptidspunkt flytta

Laurdag møter Casper Ruud Tomas Etcheverry på Court Suzanne-Lenglen. Dei har siste kampen på bana.

I utgangspunktet skulle det berre vere tre kampar før Ruud sin kamp, der den første starta 11:00, men på grunn av regnvêr fredag er det gjort endringar.

No skal Ben Shelton og Felix Auger-Aliassime også spele kamp på Suzanne-Lenglen-bana, før Ruud sitt kamptidspunkt. Dei starta kampen fredag kveld, men den vart avbrote på grunn av dårleg vêr. Det stod 5-4 til Auger-Aliassime i første sett før kampen vart stoppa.

Vinnaren av oppgjeret mellom Ruud og Etcheverry møter vinnaren av kampen mellom Taylor Fritz og Thanasi Kokkinakis i neste runde. Dei speler siste kamp på Court Simonne-Mathieu.

Danske Holger Rune skal også i aksjon laurdag. Han møter Jozef Kovalik. Dei må også vente lengre på kampen sin, då kampen mellom Hubert Hurkacz og Denis Shapovalov vart flytta inn før dei. Dermed speler Rune og Kovalik den fjerde kampen på Court Simonne-Mathieu.