Alcaraz vil spele OL med Nadal: – Har ikkje tort å seie det til han

AvSofie Flølo Dyrstad

Oppdatert 25/04/2024 klokken 15:20 GMT+2

Carlos Alcaraz har ein draum om å spele dobbel i OL i lag med forbildet og landsmann Rafael Nadal.

Publikum i ekstase etter vilt Alcaraz-slag

OL i Paris ser du på TVNorge og Max

Verdstrear Carlos Alcaraz har lenge vore open i media om at han ønsker å spele dobbel i OL med Rafael Nadal. Ifølge tennisspelaren veit ikkje Nadal om det sjølv.

– Vi har ikkje snakka om det. Eg har møtt han litt dei siste dagane, men sannheita er at eg ikkje tør å seie det til han. Det er ein draum eg har, og det hadde vore fint å spele med han i mitt første OL, seier Alcaraz til den spanske avisa Marca.

Mutua Madrid Open

Ruuds overmann til finale i Madrid – skadd Lehecka ga opp

I går klokken 22:12

Fått med deg denne? Saka held fram under videoen.

Vann gjæv pris: – Surrealistisk

Open for det

Sjølv om dei ikkje har snakka om OL-deltakinga har Nadal også sagt at han kan tenke seg å spele i lag med Alcaraz.

– Tanken min er at eg skal spele OL, og eg hadde elska å spele det i lag med Carlos. Ideelt skulle vi ha spelt nokre dobbel-turneringar før det, men vi har ikkje kunne gjort det endå på grunn av skader, seier Nadal til den spanske TV-kanalen Teledeporte.

Nadal har to OL-gull. Det første kom under OL i Bejing i 2008 der han vann i single. I Rio i 2016 vann han gull i dobbel i lag med partnaren Marc López.

Les også: Trur Ruud har stilna kritikarane: – Ikkje lett

Fryktar han i Roland Garros

Før OL skal tenniseliten spele årets andre Grand Slam-turnering: Roland Garros. Det er ei turnering Nadal har svært gode minner frå. Han har vore i 14 finalar under Grand Slam-turneringane i Paris, og har ikkje tapt ein einaste gong.

Sjølv om tennislegenden har slitt med skade det siste året, trur Alcaraz at han framleis vil vere ein av dei største favorittane til å vinne årets Grand Slam på grus.

– Ingen har meir erfaring enn han i Roland Garros. Om han er fysisk, mentalt og tennismessig sterk er det ingen tvil om at han er blant kandidatane. Det er ein av dei vanskelegaste utfordringane i tennis å møte han i Roland Garros. Om eg gjer det kjem eg til å nyte det, for det kjem til å vere noko unikt, seier verdstoaren til Marca.