Wærenskjold spurtslått i Danmark – Jakobsen vann

Det danna seg tidleg eit brot på den fjerde etappen av Danmark Rundt fredag, med seks ryttarar, deriblant fire danske.

Feltet sat for alvor inn støyten med under 20 kilometer igjen på etappen, og fekk henta inn igjen brotet med berre to kilometer igjen.

Det vart difor ein massespurt, der Fabio Jakobsen var sterkaste spurtar. Søren Wærenskjold var med i sigerkampen, men måtte sjå seg slått av Jakobsen, og hamna rett utanfor pallen.

Etappen gjekk frå Kalundborg til Bagsværd og var 178 kilometer lang.

Laurdag skal syklistane ut på den siste etappen av rittet. Etappen er eit temporitt i Helsingør, på 16,1 kilometer.

I førekant av den siste etappen, ligg Wærenskjold på sjetteplass i samandraget, 1:09 bak leiaren Mattias Skjelmose. I toppen er det svært tett, då lagkamerat Mads Pedersen ligg berre fire sekund bak Skjelmose. Magnus Cort, som blir Uno-X-syklist frå årsskiftet, ligg på ein tredjeplass i samandraget.