Pogacar-showet held fram: – Knuser all motstand

Samanlagtleiaren gjekk sigrande ut av etappe åtte av Giro d'Italia.

– «The Poginator» held fram med å knuse all motstand i Giro d'Italia. Han er betre enn alle andre i Giroen akkurat no, sa Discoverys sykkelkommentator Theis Magelssen.

Ryttarane hadde ikkje sykla mange kilometer før det var etablert eit brot. Etter at nokre ryttarar kom opp til gruppa i front, og nokre datt av, var det tolv ryttarar igjen då brotet sat i gong med den siste stigninga for etappen.

Feltet låg halvminuttet bak brotet ved starten av den siste klatringa, og alle topp fire i samanlagtkonkurransen var med.

– Det blir samanlagtfavorittane sin kamp i dag, sa Magelssen.

Med fire kilometer igjen av etappen tok hovudfeltet inn brotet. Fleire av ryttarane forsøkte seg så på å angripe, men ingen av dei klarte å kvitte seg med samanlagtfavorittane.

Dermed vart det ein spurt mellom ti ryttarar for å kåre etappevinnaren.

– Det verker nærmast uunngåeleg at mannen i rosa ikkje vinn her, sa Magelssen.

– Det er ein mann som kliner ballen i krysset til slutt, men det er eit lag som har spelt han god i dag, sa Magelssen.

– Eg synest verkeleg vi skal ta av oss hatten for laginnsatsen til UAE, sa Discoverys ekspertkommentator Lars Saugstad.