Herman Tomasgaard avslutter karrieren etter OL i Paris

Hermann Tomasgaard (30) har satsa segling ved sidan av studiane i ei årrekke. No trur han karrieren går mot slutten.

– Det blir nok mitt siste OL slik det ser ut no, bekreftar Tomasgaard til Discovery.

Då Drøbak-seglaren begynte med sporten fekk han mykje hjelp heimefrå. Seinare har Olympiatoppen og Noregs Seglforbund bidratt til at budsjettet akkurat går rundt, men ifølge han sjølv er ikkje segling noko å leve av.

– Det er vanskeleg økonomisk. Eg skal ikkje leggje skjul på det. Det er litt kjedeleg å vere oppe i 30-åra og ikkje kunne kjøpe noko, så no er det greitt å avslutte karrieren.

Før jul fullførte han mastergraden sin i marinteknikk ved NTNU. Den skal han no ta i bruk.

Å skulle reise ned til Paris velvitande om at det blir siste gong han konkurrerar, trur seglaren blir spesielt.

– Det er ein litt rar kjensle akkurat det der. Eg må berre gje det beste forsøket eg kan, og går det ikkje, så går det ikkje.

Tomasgaard tok bronse under sommar-OL i Tokyo i 2020 i øvinga laser. Det var Noregs første OL-medalje i segling sidan 2004. I januar i år tok han VM-sølv i same øving.

– Eg vil ta ein ny medalje, helst i gjævare valør, men eg seier ikkje nei takk til bronse ein gong til. Segling er ein utandørsidrett, og det er mykje som speler inn, men eg skal vere med i kampen og sjå kva det blir til slutt, seier 30-åringen.