Klæbo gjer comeback på landslaget

Johannes Høsflot Klæbo returnerer til landslaget. Det stadfestar trøndaren på ein pressekonferanse fredag.

– Vi har landa på at eg er ein del av landslaget. Det har vore målet heile vegen, og var målet i fjor. Så var det noko omstende som var vanskeleg. No står vi heilt annleis enn vi gjorde for eit år sidan, seier Klæbo på pressekonferansen.

Klæbo blir ein del av landslaget dei to neste sesongane.

Langrennsløparen fortel at det er fleire grunnar til at han no har valt å snu i tida framover:

– Når ein har 250 reisedøgn i året, og 150 av dei er med landslaget, så er det ein gjeng ein reiser mykje med, som eg trivs å vere rundt.

Klæbo har køyrt eit eige opplegg som inneheld meir høgdetrening enn andre landslagsløparar. Det er noko han vil halde fram med.

– Vi må tilpasse opplegget slik at kvar og ein får det beste sporstlege opplegget. Det har vore viktig for oss å kome fram til kva behov Johannes har. Vi ønsker å møte det, slik at han og laget får den beste oppladinga i ein ny sesong, seier dagleg leiar Cathrine Instebø i skiforbundet.

I april 2023 takka 27-åringen nei til landslagsplass.

Det enda i forhandlingar om representasjonsavtale som Klæbo fekk på plass hausten 2023, like før verdscupopninga. Avtalen inneheldt kva forpliktingar som Klæbo har gjennom sesongen utanfor landslaget.

I 2025 blir det arrangert VM i Trondheim, Klæbo si heimebane. Før representasjonsavtalen kom på plass uttalte han at han ikkje trengde å gå verdscuprenn i 2023/2024-sesongen, då hovudmålet var VM.