Stjernespelar usikker før OL-kvalifisering: – Kan bli skummelt

Søndag tok Jonas Wille ut troppen som skal forsøke å sikre Noreg ein plass i OL i Paris.

Det norske landslaget fekk det tøft under EM, og i kvartfinalen sa det stopp. Likevel gjorde ikkje Wille store endringar i troppen.

– Vi tar ut 21 spelarar, men kjem til å reise med 20. Gøran Johannessen treng litt tid til å sjå korleis det går med akillesen. Om han er i form og skadefri, blir han med. I så fall står Erik Toft over, seier Wille til handballforbundet.

– Kasper har vist storform for Elverum denne sesongen. Sander har fått mykje speletid og hatt ein bra redningsprosent i dansk liga, så han har vist at han er i form, seier Wille.

Discoverys handballekspert Ole Gustav Gjekstad er ikkje særleg overraska over uttaket.

– Wille har gjort eit relativt trygt og godt uttak. Det handlar nok rett og slett om at det er veldig kort tid til å trene inn så mykje nytt og få nye spelarar på plass. I tillegg er det ikkje slik at han har flust med spelarar å velje i.

Magnus Abelvik Rød måtte forlate EM med eit brot i foten, og opererte for det i januar. Difor var han ikkje aktuell for uttak.

I tillegg har Johannessen slitt med skade, og er usikker før kvalifiseringa. Det bekymrar eksperten at to av Noregs stjernespelarar kan ende opp med å sjå kvalifiseringa frå sofaen.

– Han har vore ein å rekne med mot dei største nasjonane tidlegare, så om både han og Abelvik Rød er ute, så blir det litt skummelt.

Likevel synest han det er gledeleg at andre spelarar kjem inn, slik som Lien og Heieren.

– Det er nok ikkje slik at nokre nye fjes vil prege ei OL-kvalifisering, men det er fint å sjå at andre får sjansen.

Noreg møter Portugal, Ungarn og Tunisia i kvalifiseringa. Dei to beste i gruppa blir kvalifisert til OL.

Landslaget speler sine kvalifiseringskampar i Ungarn.

– Mot Ungarn trur eg dei norske spelarane skal rekne med ein massiv pipekonsert i mot dei, men dei fleste av dei er vand til å takle den typen forhald.

Dersom handballgutane sikrar seg ein plass i leikane, vil det bli andre gong på rad at begge dei norske landslaga er med.

Kristian Sæverås, SC DHfK Leipzig Handball
Sander Drange Heieren, TTH Holstebro
Torbjørn Sittrup Bergerud, Kolstad Håndball

Henrik Jakobsen, GOG Håndbold
Petter Øverby, THW Kiel
Magnus Gullerud, Kolstad Håndball

Vetle Eck Aga, Kolstad Håndball
Sander Sagosen, Kolstad Håndball
Sander Andreassen Øverjordet, KIF Kolding
Erik Thorsteinsen Toft, KIF Kolding
Kent Robin Tønnesen, Paris Saint-Germain
Tobias Grøndahl, Elverum Håndball
Gøran Søgard Johannessen, Kolstad Håndball
Christian O'Sullivan, SC Magdeburg
Harald Reinkind, THW Kiel
Gabriel Setterblom, Kolstad Håndball
Simen Ulstad Lyse, Kolstad Håndball

Sebastian Barthold, Aalborg Håndbold
Kristian Bjørnsen, Aalborg Håndbold
Kasper Thorsen Lien, Elverum Håndball
Alexander C. Blonz, GOG Håndbold

14. mars 18:30 Noreg - Portugal

16. mars 19:30 Noreg - Ungarn

17. mars 18:30 Tunisia - Noreg