Beskjeden frå landslagssjefen betydde mykje: – Stort

Handballspelaren skal forsøke å sikre OL-plass for det norske landslaget i mars. Å få tilliten der betyr mykje for 25-åringen.

Sander Drange Heieren.

Foto: NTB

Følg OL-kvalifiseringa på discovery+ og TVNorge 14.-17. mars

Sander Drange Heieren var ikkje ein del av det norske landslaget under EM i januar, men då Jonas Wille skulle ta ut troppen til den svært viktige OL-kvalifiseringa i mars, stod namnet til Holstebro-spelaren på lista.

Målvakta legg ikkje skjul på at det er spesielt.

Håndball

Håndballforbundet: O’Sullivan og hans familie er trygge – tenker på de berørte i Magdeburg

20/12/2024 klokken 21:16

– Det er stort. Det betyr veldig mykje for meg å få tilliten, og å få vere med til å hjelpe landslaget med å kome seg til OL, seier han til Discovery.

fått mykje speletid

Dette er første gong Wille tar med Heieren i troppen sin.

– Eg trur det blir veldig kult. Eg var jo med då han var assistenttrenar bak Christian Berge. Han er ein fin fyr.

Då Wille tok ut 25-åringen grunngav han uttaket med at målvakta har fått mykje speletid i dansk liga, og har hatt ein bra redningsprosent.

– Eg føler eg har fått mykje tillit og erfaring i klubben. Sjølv om det går dårleg med sjølve laget, så har eg fått mykje speletid og utvikling, og forma blir betre og betre. Men vi skulle gjerne vunne fleire kampar, seier Heieren.

Holstebro ligg foreløpig på ein 11. plass av 14. lag i Herreligaen.

Les også: Stjernespelar usikker før OL-kvalifisering: – Kan bli skummelt

Tøff gruppe

Noreg er i gruppe med Portugal, Ungarn og Tunisia.

– Det er jo verkeleg ei tøff gruppe. Ungarn og Portugal gjorde det ganske bra i EM, og Tunisia kan også spele handball. Det blir tøft, men vi har alle moglegheitar til å kome oss til OL, seier Heieren.

Dei to beste i gruppa sikrar seg ein plass i leikane i sommar.

– Eg trur alle går inn og tenker at dei verkeleg har lyst til å kome seg til OL, og at vi går for å vinne alle kampane.

25-åringen legg ikkje skjul på at det hadde vore stort å sikre OL-plassen for Noreg.

– Det hadde betydd verkeleg mykje. Det er ein draum for alle utøvarar å kome seg til OL.

Følg OL-kvalifiseringa på discovery+ og TVNorge 14.-17. mars

Likevel har han ikkje stortru på at han blir ein del av OL-troppen. Jonas Wille reiser med 20 utøvarar til Ungarn for OL-kvalifiseringa, medan troppen til Paris vil vere betydeleg mindre.

– Får eg sjansen, så tar eg den, men eg trur Torbjørn (Sittrup Bergerud) og Kristian (Sæverås) er det klare valet. Alt kjem an på form. Om det blir meg eller nokon andre tenker eg ikkje mykje over akkurat no, seier målvakta.

Saka held fram under videoen.