Hovland slo tilbake etter blytung start

Den norske golfstjerna klarte akkurat cuten etter at han gjekk opningsrunda på tre slag under par, og andre runde eitt slag under par.

Laurdag var det duka for nye moglegheiter for nordmannen. Etter ein tøff start klarte Hovland å klatre fleire plassar på resultatlista. Nordmannen ligg no på -6 totalt. Det held foreløpig til ein delt 43. plass.

I likskap med fredagens runde gjekk det verkeleg ikkje Hovland sin veg på opningsholet. Han måtte notere seg ein dobbel bogey allereie der. Han slo derimot tilbake med ein birdie på hol tre og fem, og var med det tilbake på par.

På dei neste seks hola gjekk Hovland av med par, før rundas fjerde og femte birdie kom på hol 16 og 17. Nordmannen avslutta med par på siste hol.

Dermed enda han tredje runde på -2.

Svenske Ludvig Åberg leiar turneringa med -17 totalt.