Klar beskjed etter OL-finalen: – Skal ta medalje i alle meisterskap frå no av

Måndag deltok Sondre Guttormsen i stavsprangfinalen i OL. Der fekk han ein 8. plass med resultatet 5.80 meter.

– Eg slit litt med å vite kva eg skal føle – om eg skal vere glad eller skuffa. Eg sa før meisterskapet at om eg kom til ein finale, var målet å kjempe om ein medalje. Det gjorde eg så absolutt. Eg er ikkje skuffa, men ikkje superfornøgd, seier Guttormsen til Discovery.

Svenske Armand Duplantis, som var storfavoritt i finalen, sikra gullet med høgda seks meter. Han gav seg heller ikkje der. Han tok også ny olympisk rekord på 6.10 meter og ny verdensrekord med 6.25 meter.

Guttormsen tok seg enkelt over 5.50 meter på første forsøk, men fekk problem på 5.70 meter. Der reiv han to gonger, og hadde derimot berre eitt forsøk igjen. På siste forsøk kom han seg høgt over lista.

Etter å ha slitt med 5.70 meter kom Guttormsen seg over 5.80 meter på første forsøk. Det var årsbeste for nordmannen.

25-åringen reiv så på første forsøk på 5.85 meter, men valde likevel å stå over neste hopp for å gå rett på 5.90 meter. Heller ikkje der lykkast han på første forsøk, men igjen valde han å gå vidare til neste høgde.

– Det betyr at han er offensiv i tankegangen, sa Fuglum.

På 5.95 meter hadde berre Guttormsen eitt forsøk. Han makta ikkje å kome over, og dermed rauk han ut av OL-finalen.

Guttormsen uttalte før OL at han hadde mål om medalje.

– Eg veit at om eg hoppar på det nivået eg har vore på mitt aller beste, då har eg sjans. Eg skal sjølvsagt ha dagen og alt skal gå bra, men eg har trua på at det skal vere mogleg, sa han til Discovery.

Etter OL-finalen har han laga seg nye mål:

Det høgste nordmannen har hoppa er seks meter.