Uno-X-profil mistar planlagt skadecomeback

Mie Bjørndal Ottestad skulle etter planen sesongopne i lag med resten av Uno-X-laget på Mallorca i slutten av januar. Eit brot i handa under ei treningsøkt sat ein stoppar for det.

26-åringen måtte gå med gips i seks veker, og planen vart heller at ho skulle vere tilbake i konkurranse i Sienna i helga, når Strade Bianche går av stabelen. Slik blir det ikkje.

– Eg skal ta av gipsen om eit par dagar, men det er diverre ikkje tidsnok for å kunne stille til start i helga, fortel Ottestad til Discovery.

I staden må Uno-X-ryttaren smøre seg med endå meir tolmod.

Det vil då bli Ottestad si sesongopning, og første gong ho konkurrerer på landevegen sidan Tour de France i sommar. Der måtte ho trekke seg etter ein velt på etappe fire. Ottestad fekk sin andre alvorlege hjerneristing på under eitt år.

– Eg føler jo at eg har hatt litt mykje uflaks, men det må jo snu på eit tidspunkt. Eg satsar på at eg har brukt opp uflaksen min no.