Kjem med oppdatering på Træen-skade

Torstein Træen fekk ingen god start på karrieren sin i Bahrain Victorious. Tysdag sesongdebuterte han i Tour Down Under, men velta i opningsetappen.

Den norske ryttaren kom seg tilbake i feltet og fullførte etappen, fire minutt og 27 sekund bak hovudfeltet.

Etter etappen opplyste laget at dei frykta at 28-åringen hadde pådratt seg eit brot i armen, og Træen vart send til sjukehus for undersøkingar, opplyste sportsdirektør for Bahrain-laget, Neil Stephens, på eiga heimeside.

– Han skada ablogen sin ganske stygt. Vi tok røntgen i går, og legen seier at den ikkje er brekt, seier sportsdirektøren på X/Twitter.

Træen stilte til start på den andre etappen, men sportssjefen sa før etappen at han var usikker på om den tidlegare Uno-X-ryttaren kom til å fullføre. Det gjorde han, og kom i mål 59 sekund bak hovudfeltet. Han sykla i mål samtidig som Johannes Staune-Mittet.