Førehandsfavoritten skal ha blitt truga med diskvalifisering

Tadej Pogacar vann etappe to av Giro d'Italia søndag, og kunne med det sykle i den rosa trøya på etappe tre. Giro d'Italia-leiaren hadde også ein burgunderraud «skinsuit» som han skal ha fått levert av arrangøren.

Shortsen hadde same farge som fotballtrøyene til Torino, og skulle vere til minne for flykrasjen 4. mai 1949 der 31 personar på fotballaget mista livet.

Dagen etterpå var den burgunderraude shortsen borte, og heller bytta ut med ein vanleg svart shorts.

– No har eg shorts, men ikkje skinsuit, så kanskje eg ikkje kan angripe i dag, fordi eg ikkje er rask nok, spøkte Pogacar til Discovery i førekant av etappe fire.

Slovenaren fortel vidare at det ikkje var hans eige val å byte shorts på etappe fire.

Ifølge nettstaden Cyclingnews skal Pogacar ha blitt truga med å bli diskvalifisert om han sykla med den farga shortsen på etappe fire, då det var motstridande med UCI sitt reglement rundt fargeestetikk.

Det er ikkje leiaren i RCS Sport, som arrangerer Giro d'Italia, einig i.

– Etter mi meining er det absolutt i samsvar med reglane. Det er klart at det er litt annleis frå det som har vore tidlegare, men etter mi meining, og produsenten Castelli si meining, er fargane i harmoni med kvarandre og matchar, seier han til Discovery.

Pogacar har 46 sekund ned til Geraint Thomas i førekant av etappe fem.