Uno-X til topps i storritt

Uno-X-ryttar Magnus Cort vann etappe to i World Tour-rittet Critérium du Dauphiné måndag.

Cort var suveren i spurten opp Col de la Loge og kunne krysse mållinja først i eit tjukt tåkehav. Det gjorde han etter at Uno-X-laget sat langt framme i feltet i jakta på brotet i front.

– For ein opphenting på siste kilometer. Det er Uno-X som fiksar spurten, det er Uno-X som vinn, og det er dette Magnus Cort er henta for, sa Discoverys sykkelkommentator Theis Magelssen.

– Eg hadde ikkje den beste starten på sesongen. Eg sleit litt og fekk ingen store resultat. Så fekk eg ein skade, men no er det fantastisk å kome tilbake og ta ein etappesiger her, sa Cort i sigersintervjuet.

Den danske ryttaren slo stjerneryttarar som Primoz Roglic, Remco Evenepoel og Juan Ayuso.

Mads Pedersen vann opningsetappen, men blei køyrt frå i andre etappe. Dermed tok Cort over samanlagtleiinga i rittet.

Sigeren er Uno-X sin tredje strake siger. Laurdag stod Alexander Kristoff øvst på pallen, medan Jonas Abrahamsen gjorde det søndag.

– For ein periode dei er inne i. Dei klarer ikkje å slutte å vinne dette laget her, sa Magelssen.