Kaos før OL-kvalifisering: – Veldig merkeleg

Sverige mista plutseleg ein av motstandarane sine i OL-kvalifiseringa i handball som går av stabelen i Ungarn i helga.

Dei var eigentleg i gruppe med Japan, Ungarn og Kamerun, men Kamerun kan ikkje stille. Det opplyser det internasjonale handballforbundet i ei pressemelding.

– Kamerun leverte ikkje nødvendig dokumentasjon for å få visum til Ungarn, skriv IHF.

I staden fekk Senegal, det nest beste afrikanske laget, eller Kongo moglegheit til å stille i kvalifiseringa. Det vart den svenske landslagssjefen Tomas Axnér overraska over.

Det fekk han rett i. Verken Senegal eller Kongo tok i mot invitasjonen. I staden vart det utdelt eit wildcard til Storbritannia som no møter Sverige søndag.

IHF har ikkje forklart kvifor dei har gitt wildcardet til akkurat Storbritannia. Laget blir rekna som eit av dei dårlegaste handballaga i Europa.

– Eg ser ingen vinnar i dette, seier Sverige sin pressesjef Daniel Vandor til Sportsbladet.

Dei to beste nasjonane i kvalifiseringsgruppene får spele i OL i Paris. Noreg er allereie kvalifisert både på herresida og damesida. Herrane var nyleg i ei OL-kvalifisering der dei vann alle kampane sine.