Hovland tiltrekte seg millionar av sjåarar – høgste talet sidan Tiger Woods

Ikkje sidan Tiger Woods sin siger i 2018, har fleire sett på den siste runda av Tour Championship i golf på den amerikanske TV-kanalen CBS.

CBS skriv i ei pressemelding at det var i gjennomsnitt 4,613 millionar sjåarar då Viktor Hovland gjekk heilt til topps i turneringa.

Den siste runda på søndag vart utsett på grunn av vêret. Dette gjer ofte at TV-sjåarar fell i frå sendinga, men det var ikkje tilfelle denne gongen. På det meste var det 5,510 millionar som såg på nordmannen spele seg inn i historiebøkene i løpet av søndagens runde.

Ifølgje sportssida SB Nation, skuldast det høge sjåartalet Hovland sin aukande popularitet i USA.

Då Tiger Woods vann Tour Championship i 2018, trakk han til seg 7,202 millionar sjåarar. Den gong konkurrerte turneringa med NFL-fotballen, men PGA-turneringa har sidan det justert sesongen, slik at sluttspelet blir avslutta før fotballen startar.