Uttaket er klart: Komet tar steget opp på seniorlandslaget

Henrik Ingebrigtsen har fått kome inn igjen i landslagsvarmen for den komande sesongen. Mellomdistanseløparen vart vraka til landslaget i 2023, men fredag bekrefta han at han har fått tilliten på ny på landslaget i ein SMS til VG.

Når det gjeld Ingebrigtsen-familien opplyste sportssjef Erlend Slokvik om at Henrik Ingebrigtsen ikkje lenger vil figurera som koordinator for brørne Jakob og Filip.

32-åringen vil no ha fullt fokus på seg sjølv.

Det var fleire andre endringar då Noregs Friidrettsforbund la fram seniorlandslaga tysdag. Håvard Bentdal Ingvaldsen vart flytta opp frå U23-landslaget til seniorlandslaget. 20-åringen har levert ein kjempesesong der han blant anna vart tidenes første nordmann i ein VM-finale på 400 meter, og kvalifiserte seg til OL i Paris 2024.

Målet hans for den komande sesongen er å levere ein endå betre sesong enn året som var:

– Eg vil stabilisere meg på låg 44 (journ. anm. sekund). 43 er draumen om nokre år. Det er det største målet, så får vi sjå etter det.

Henriette Jæger har også levert gode resultat denne sesongen. Før årets sesong hadde ho ein personleg rekord på 52,23 sekund på 400 meter, men den tida har ho forbetre ein rekke gongar i løpet av sesongen. Under U23-EM i Esbo i Finland sprang ho inn til ny norsk rekord på 51,06 sekund. Knappe to månadar seinare slo ho sin eigen norske rekord med tre hundredelar.

– På lik linje som Håvard har det gått over all forventning. Det at eg skal nærme meg ned mot 51 hadde eg aldri trudd, seier Jæger.

Håvard Bentdal Ingvaldsen

Jakob Asserson Ingebrigtsen

Narve Gilje Nordås

Zerei Kbrom Mezngi

Karsten Warholm

Sondre Mogens Guttormsen

Pål Haugen Lillefosse

Eivind Henriksen

Thomas Mardal

Markus Rooth

Sander Aae Skotheim

Henriette Jæger

Line Kloster

Amalie Hammild Iuel

Karoline Bjerkeli Grøvdal

Lene Onsrud Retzius

Sigrid Borge

Fillip Mangen Ingebrigtsen

Henrik Børkja Ingebrigtsen

Magnus Tuv Myhre

Awet Nfatlem Kibrab

Valdimir Vukicevic

Jakob Boutera

Ingar Bratseth-Kiplsesund

Henrik Flåtnes

Simen Guttormsen

Marcus Thomsen

Hedda Hynne

Andrea Rooth

Beatrice Nedberge Liano

Salum Ageze Kashafali

Vegard Dragsund Sverd

Skjalg Kongssund

Ida-Louise Øverland

Ida Nesse

Under pressekonferansen tysdag formiddag opplyste sportssjef Erlend Slokvik om saka som gjeld Gjert Ingebrigtsen.

– Vi kjem ikkje til å gi nokon kommentarar knytt til saka om akkreditering på Gjert Ingebrigtsen, seier Slokvik.

Førre veke kom nemleg Friidrettsforbundet med ei pressemelding om at Gjert Ingebrigtsen ikkje får trenarakkreditering til dei kommande meisterskapane (innandørs-VM i Glasgow 1. til 3. mars og EM i Roma 7. til 12. juni).

Slokvik stadfestar også at Gjert Ingebrigtsens advokat i konflikten med forbundet, John Christian Elden, har bede om eit møte, men tidspunktet er ikkje sett.

– Advokat Elden har bede om eit møte. Forbundet har sagt ja til det. Vi er i dialog om eit tidspunkt for møtet. Det er berre praktiske grunnar til at dette ikkje er avklart enno, seier Slokvik.