Sesongstart for Warholm: – Prøver alltid å presse grensene
Oppdatert 15/06/2023 klokken 16:28 GMT+2
Torsdag startar Karsten Warholm utandørssesongen på Bislett. Der har han planar om å springe fort.
- Hold deg oppdatert på sport med Eurosport-appen. Last den ned i App Store og Google Play.
OSLO (Discovery):
– Kroppen kjennes bra eigentleg. Eg har sett fram til dette lenge, seier Karsten Warholm til Discovery.
Dei fleste andre friidrettsutøvarane har allereie opna sesongen, men Warholm har valt å vente til Bislett Games.
– Vi har planlagt sesongstart der ganske lenge. No gler eg meg veldig.
Planar om å springe fort
Planane for Bislett Games er relativt enkle: Å springe fort.
– Eg har sprunge fort der før, og har planar om å springe fort der igjen, seier han, og hintar til verdsrekorden i 2021.
– Kor fort då?
– Det får vi sjå, seier Warholm og ler.
– No er verdsrekorden endå litt betre enn då eg tok den på Bislett i 2021, men eg prøver alltid å presse grensene for kva eg kan gjere, så får vi sjå, legg han til.
Vil få inn fleire løp
Dei siste vekene har 27-åringen brukt på treningsleir i Spania, og førebudd seg for Bislett Games i Oslo og sesongstart.
– Eg har fått førebudd meg slik som eg har hatt lyst til, så no gler eg meg veldig til å starte, seier Warholm.
Etter sesongstarten planlegg hekkeløparen å få inn nokre fleire løp, før VM i Budapest står i tur.
– Planen for sommaren er eigentleg å springe bra løp. Eg skal springe i Stockholm og på eitt Diamond League-stemne til, og så kjem VM, som er det store høgdepunktet.
– Veldig tøft
Warholm beskriver Bislett Games som noko heilt eiga.
– Bislett er som ein heim for meg. Det er ein arena eg bruker mykje i treninga mi, og eg er veldig glad i den plassen. Det er ein intim stadion, og atmosfæren er sjuk.
I fjor fekk ikkje Warholm deltatt på Bislett Games på grunn av skade i hamstringen. Det tok han tungt.
– Eg hadde mange år der alt gjekk min veg. Ein begynte nesten å ta det for gitt. Når noko skjer, spesielt når ein er motivert, så er det tøft. At eg ikkje fekk vere på Bislett i fjor var veldig tøft, fortalde Warholm under ein pressekonferanse i førekant av Bislett Games.
Fått med deg denne?
Gjør som 3 millioner brukere på appen
Last ned
Scan her
Relatert
Del denne artikkelen
Reklame
Reklame