Petter Myhre ferdig i Lillestrøm: – Vålerenga var aldri aktuelt

Petter Myhre er ferdig som assistenttrenar i Lillestrøm.

Det melder klubben på sine nettsider.

– LSK hadde sett for seg mange fleire år med trenarduoen Geir Bakke og Petter Myhre, og vi synest det er beklageleg og trist at prosjektet ikkje blei fullført.

Petter Myhre kom til Lillestrøm i januar 2020, i lag med Geir Bakke. Då Bakke valte å ta over den ledige trenarjobben i Vålerenga i juli, vart Myhre permittert.

Myhre fortel at han vil at eit heilt nytt trenarteam skal ta over.

– Med Geir sin plutselege overgang, synest eg det er fornuftig at eit nytt trenarteam kan føre dei stolte kanaritradisjonane vidare.

Ifølge sportssjef Simon Mesfin, låg det i korta allereie då Bakke drog, at Myhre kom til å slutte i klubben.

– Dei gjorde dette saman. Det ligg veldig i korta at dei kom som ein duo, og dei drar som ein duo, sjølv om Petter ikkje drar med Geir no med det første i alle fall, sa Mesfin på pressekonferansen etter det var kjend at Bakke blei Vålerenga-trener.

På Lillestrøm sine nettsider skriv dei at Myhre aldri skulle bli med Bakke.