Glimt blei rundspelt i Europa-oppkøyringa

Bodø/Glimt er på plass i Marbella på treningsleir. Fredag møtte dei austerrisk motstand i RB Salzburg i årets første treningskamp.

– Vi merker at vi møter eit bra lag. I første omgang lykkast vi ganske bra i det vi forsøker på. Så sprekker det dessverre opp i andre omgang, seier Patrick Berg i eit intervju med klubben etter kampen.

Laget låg berre under med eitt mål til pause. Så bytta dei ti spelarar, og slapp inn ytterlegare fem mål.

– Det er sikkert vanskelegare å spele den andre omgangen på grunn av den tunge bana. Det er uansett godt å få seg ein gjennomføring og spele kamp igjen, seier kapteinen.

Dei heilgule gjekk hardt ut frå start og fekk ei scoring i opningssekunda som vart annullert. Etter sju minutt var det derimot Salzburg som gjekk opp i leiinga.

Etter 56 minutt dobla det austerriske laget leiinga, og berre sekundar seinare scora dei endå eitt. Glimt prøvde å bite tilbake, men Salzburg satt inn sitt fjerde.

Dei stoppa heller ikkje der. Ved sluttminutta av kampen scora Salzburg heile to mål til.

Kampen enda 6-0.

Glimt møter Ajax i Conference League 15. februar og 22. februar. Før det skal dei heilgule møte Hammarby, Sparta Praha og Malmö FF i treningskampar.