Tennisstjerna blei rana for millionar under Roland-Garros

Lucas Pouille spelte sin siste kamp under årets utgåve av Roland-Garros 2. juni, i lag med Chloe Paquet. Då Pouille returnerte til heimen hans i Rennes, oppdaga han at huset hans hadde blitt brote inn i.

Det melder den franske avisa LeJDD.

Pouille kvalifiserte seg til årets Roland-Garros etter å ha vunnet tre kampar under kvalifiseringsveka, men då han returnerte heim frå turneringa, var fleire ting stjelt.

Tidlegare har Pouille blitt rangert som den tiande beste tennisspelaren i verda. Han har spelt seg til kvartfinalen i Wimbledon-turneringa og i US Open, og vann Davis Cup i 2017. I starten av grassesongen i 2022, tok livet hans ei brå vending, og Pouille gjekk frå å skine på tennisbana, til å kjempe ein tøff kamp på heimebane.

Han gjekk inn i ein depresjon, og begynte å drikke alkohol regelmessig.

Franskmannen valde å ta ei pause frå idretten. Det var ikkje før i slutten av 2022-sesongen at han tok i ein rekkert igjen. Etter han såg Gilles Simon spele sin siste kamp i Paris, bestemte han seg for å returnere til tennisbana.

– Å sjå atmosfæren, følelsane: Det var ein vekker. Dessutan fortalte pressa meg at du aldri kom til å spele i OL. Det gav meg ein ekstra motivasjon til å kome tilbake, sa Pouille under Roland-Garros, ifølge Tennis World USA.

Å vere tilbake i Roland-Garros blei følelsesladd for franskmannen. Etter å ha slått Jurij Rodionov reflekterte han over den tøffe perioden han opplevde i fjor.

– Nokre gonger har vi augeblink der vi knekk. Desse augeblinkane var veldig vanskelege, fordi eg kom til å treffe veggen. Eg trur eg stoppa toget rett før krasjet, sa Pouille etter kampen.

Laura Robson, tennisekspert for Eurosport, var imponert over prestasjonen til Pouille i Roland-Garros:

– Eg kan ikkje førestille med korleis han har hatt det, kjempa mot depresjon og alkoholisme, og på ein eller anna måte har klart å snu ting i denne turneringa, sa ho til .

I tillegg til å ha slitt med depresjon og alkoholisme, har Pouille vore plaga med mykje skader gjennom karrieren. I 2020 opererte han olbogen, og i slutten av fjorårets grassesong vart han innlagt på sjukehuset for å behandle eit ribbeinsbrot.

I intervjuet med L'Equipe åtvarar tennisspelaren om at ein ny fysisk skade vil bety slutten av karrieren for han.